اخطاء شائعة لتضخيم البطن ونصائح لتجنبها

كثر ناس ارحمهم بالجم الي يجونك يلعبون بطن كل يوم ولا عندهم 6 pack ويقولك ياخي انا العب كل يوم ولا يطلعلي شي!!! وهو ما يدري انه الي قاعد يسويه غلط x غلط راح نبدا اول شي بالاخطاء الشائعه "خطا شائع رقم ١ تمارين البطن هي الي تشيل الكرشه وتطلع ال6 pack" تمارين البطن مالها اي علاقه بالفات الموجود بالبطن تمارين البطن هدفها فقط تقوية العضلات وتكبيرها اذا اتسوت صح. الفات يحرق بالجسم بشكل كامل يعني ما يمديك تتحكم من وين تحرقه. ليه ناس تنحف في اماكن اكثر من اماكن؟ هذا يعتمد عالجينات حقت الشخص لكن بالنهايه راح ينحرق من كل الجسم. مثال: لو ان الفات ينحرق بشكل خاص من كل محل كان الشخص السمين الي بس يستخدم السير ما ينحف الا من تحت ويبقى صدره وبطنه وظهره شحوم لكن بالواقع نشوفه ينحف بكامل جسمه. "خطا شائع رقم ٢ كل ما تلعب بطن اكثر افضل" عضلات البطن زيها زي اي عضله ثانيه بالجسم يبيلها راحه ويبيلها تمرين كاملة عشان تكبر. الواحد لمى يلعب كل يوم وتمارين اي كلام راح يعطي العضله لياقه وقوة تحمل بس ما راح تكبر. الجسم راح يتغير على حسب المؤثرات الي تسويها فيه. مثال: الفرق بين عدائين ال١٠٠م وعدائين المراثونات في حجم عضلات الفخذ عندهم تلقون عدائين ال١٠٠م عضلات افخاذهم كبيره ومفتوله لكن حقين المراثونات تلقا افخاذهم نحيفه ولا يبين عليها مع انه يقطع المسافه الي يقطها حق ال١٠٠م بمئات الاضعاف السبب انه ما يحتاج كتله عضليه كبيره عشان يقطع ٤٠ كيلو لكن يحتاج لياقه عاليه والحجم يقلل من اللياقه بينما ذاك الي يهمه انه يقطع ال ١٠٠م باسرع وقت ممكن فبالتالي يحتاج قوه عضليه والقوه تجي مع الحجم. كيف اطلع ال6 pack؟ المعادله بسيطه 90% دايت وكارديو %10 تمارين بطن. اول شي تسوونه تنزلون نسبة الفات بالجسم. من المستحيلات انكم تشوفون واحد نسبة الفات عنده اقل من ١٠٪ ولا عنده 6 pack والله لو ما يلعب الا بالشهر مره راح يكون عنده يمكن ما تكون واضحه حيل لانه ما يمرن لكن راح تكون موجوده. كيف تنزلون الفات؟ بالدايت والكارديو المستمر والدايت المهم يكون لفتره طويله ومعقول ما يهم لو تمسك اقوى دايت لمدة شهر ما راح يفيدك لكن دايت معقول جدا لمده ٦ شهور هو الي راح يفرق. والشي ثاني التمارين. تبي تبرز عضلات بطنك؟ عاملها زيها زي اي عضله ثانيه عطها يوم او يومين بالاسبوع والعبها صح انا شخصيا العبها مره وحده لكن اقعد عليها ساعه كامله ٤ تمارين كل تمرين ٣ جلسات.
للملاحظة منقول من احد الابطال معي في النادي

Penulis : مهووس عضلات - maniac muscle ~

عن الكاتب.